[راجية عفو العفو]

السلام عليكم ورحمة الله وبركاته
سؤال هفضل أكرره لغاية أخر يوم ليا فى الكليه دى نفسى أسأل كل المعيدين سؤال ليه أنتوا أعتقدتوا أنكم دخلتوا سباق وأنى اللى هيزق فيكم الطلبه أكتر هو اللى هيكسب بصراحة أحنا كطلبه مش عارفين نعمل أيه الواحد يبقى رايح السكشن أمله فى أنه ميتهزقش أكبر بكتير من أمله فى الفهم أقول أيه بس الواحد شايل فى قلبه من أول السنة لغاية ما خلاص هيفرقع والعجيب أن طبعا الدكاترة مبيلحقوش يشرحوا ويوضحوا كل حاجة فى المحاضره علشان كدة والله أعلم أخترعوا حاجة أسمها سكشن اللى مفروض نحل ونكمل فهمنا فيه لكن هيهات السكاشن فى كليتنا معموله علشان المعيدين يفضلوا يسألوا طول السكشن سؤال واحد أزاى أحنا بغبائنا محلناش كل المسائل لوحدينا ولما واحد مننا كده ربنا يكرمه ويبقى ليه واحد صحبه فى سكشن بياخد قبليه وياخد منه الحلول المعيد يبقى فرحان بيه أوى أنه جاى حالل طيب أحنا بنضحك على مين ما هو ناقل الحلول أصلا بجد أنا سمعت أن فى معيد قال لطلاب على الطلاب اللى من النوع ده أنه كفايه أنه تعب وغش أنا أتصدمت أينعم أنا مش متفوقه لكنى عرفت أجيب المجموع اللى يدخلنى الكليه دى اللى أنا دلوقتى بحبها جدا وأنا عايزة أوصل فكرة لكل المعيدين أنا عارفة أن فى دكاترة بيبقى نظامهاكدة بس أكيد أنت كمعيد كنت من كام سنه طالب يعنى أكيد لسه فاكر معانتنا أحنا كطلاب حاسبات أنا مش عارفه أقول أيه بس أنا ببقى هعيط لما أسأل حد عن المسألة ى جت أزاى كده يقولى أحفظيها طيب أحنا كدة حولناه دش ليه لأن فى أجزاء مبتضوضحش فى السكشن ولما حد يسأل عليها فى السكشن المعيد أحيانا يبصله بصه أستغراب هو مش فاهم الجزأ ده لوحده هيفهمه منين لما هو جاى السكشن علشان يفهم اللى هو مش فاهمه أصلا دى نقطة أما النقطة التانيه حكايه أن المعيد يستهزأ بالسكشن ويفضل يقول أزاى هتدخلوا الأمتحان أو أننا هنسقط بجد أغلبنا بيروح من السكشن مكتئب وحتى لو حاسس أنه عايز يذاكر بيفتكر كلام أن المادة دى صعبه وأننا هنسقط فيها فغالبا بيكبر دماغه ومبيذاكرهاش يارب تكون نظريتى وصلت ويتاخد بيها لأننا تعبنا قوى الترم اللى فات فرجاء الكلام ده حد ياخد بيه وربنا يجزى كل معيد بيراعى ربنا فى الطلبه كل خير ودايما حطوا نفسكم مكاننا وياريت التفاعل من الأعضاء حتى لا يظن المعيدون أنها وجهت نظرى لوحدى وأنا عارفة ومتأكدة أنها وجهت نظر ناس كتييييييييييييير فياريت نكون أيجابين.

[White point]

السلام عليكم
اولا : انا طالبه في سنه رابعه
وبعدين عايزه اقولك ان مش كل المعيدين كده وكمان انت مش لازم تاخدي كل حاجه من المحاضره والسكشن وبس . ولازم يكون عندك مصدر تالت ورابع
وبعدين انتي لسه في تانيه ولازم تعودي نفسك علي كده وبعدين المعيدين بيتبعوا كلام الدكتور وانتي لازم تروحي علي الاقل مذاكره المحاضره وعندك فكره عن موضوع المحاضره والمسائل
ومش لازم تقولي كده
وربنا يوفقك

[MetRy]

وبعدين المعيدين بيتبعوا كلام الدكتور

مش كل المعيدين

في معيدين بيمشوا بدماغهم وطبعا شخصية الدكاترة هي اللي بتكون السبب

ومع ذلك في معيدين ربنا يكرمهم بيساعدوا الطلبة علي قد ما يقدروا وبيكونوا متعاونيين معاهم بس دول عدد قليل خالص

وخلي بالكم كل معيد بيتصرف بطريقة مش نضيفة مع الطلبة بيدل انه بقي معيد بالكوسة والوسايط والفلووووس مش بشطارته

وكل معين بيتعامل كويس مع الطلبة او علي الاقل مش بيتعامل وحش معانا ده بيدل انه انسان يستحق المكانه دي وانه وصل ليها بسبب مستواه العلمي ومش بالكوسة والوسايط والفلوووووووس ذي الباقيين